TANGLAWAN 2013- the annual MTY outreach program

Sa kabila ng hindi inaasahang pagkansela ng samahan sa una nitong beneficiary na Munting Tahanan ng Nazareth sa isang di maiiwasang pagkakataon, ang MTY ay nagpasiyang ituloy ang paghahatid ng munting kasiyahan sa isang komunidad ng Aetas sa probinsiya ng Tarlac.

Nakakataba ng puso ang magiliw na pagtanggap sa amin ng mga tagaroon. Hindi namin ipinagmamalaking pumunta doon upang magtaas nang kung sino mang pangalan, bagkus ay lubos ang aming kapasalamatan dahil sa pamamagitan ng munting inisyatibong ito ay naiparating namin ang diwa ng Pasko sa isang lugar na kalimitan ng nalilimutan ito.

Maraming salamat mga kapatid namin. Marami kaming natutunan sa inyo. At sa susunod nating pagkikita! Maligayang Pasko!

Nais din pong ipaabot ng MTY ang taos pusong pasasalamat sa lahat ng nakiambag at nakiisa sa layunin ng MTY. Nawa’y maging simula na po ito ng hakbang para sa pagpapabuti ng ating bayan sa pamamagitan ng pagtulong at pag-aakay ng pag-asa sa mga nangangailangan nito. 

Magsilbi Tamu!

More Pictures here

"TANGLAWAN"

Napakasarap po sa pakiramdam ang malamang mayroon pang mga taong walang sawang tumutulong nang walang hinihintay na kapalit sa kanilang kapwa, anumang oras, lalo na ngayong papalapit na ang Pasko sa ating bayan.

Kami pong Magsilbi Tamu Youth, na isang samahan ng mga kabataan sa syudad ng San Fernando, ay isa lamang sa mga grupo na nagnanais sundan ang mga hakbangin ng pakikipagkapwa, at nakalaan ang panahon upang bigyan ng kakaunting ngiti ang mga kapuspalad ngayong dadating sa kapaskuhan.

Dahil dito, buong puso naming napagkasunduan na magsagawa ng isang Outreach Program sa Munting Tahanan ng Nazareth, isang bahay ampunan sa mga may kapansanan sa lungsod ng Mabalacat, sa ika-24 ng Disyembre, araw ng Martes, 9:00am hanggang 1:00pm. Tinatayang may bilang na 40-45 na benepisyaryo ang aming dadatnan sa lugar na iyon.

Nais po naming magsagawa ng isang maliit na programa at mga palaro na kapapalooban ng mga papremyo at regalo. At sa katapusan ng aming pamamalagi ay magnanais na makapaghandog ng pagkain at mga donasyon.

Inaanyayahan po namin ang lahat sa aming mga naisin sa pamamagitan ng paghahandog ng anumang halagang maitutulong natin upang maisakatuparan ito.

Tunay pong buhay at maalab ang makatao’t malinis na adhika ng pagtulong. Makakaasa po kayo na hindi tayo mabibigo sa ating sisimulang hakbang upang mapabuti ang ating lipunan.